Forums:
دايت رقم واحد
المناضل اللبناني: "انا كنت ناضل مع المجتمع المدني كثير مش بس بلبنان، انا عامل تحركات بباريس كمان. نحن كناشطين لازم نكون دايما منتبهين وواعيين على المخططات يللي عم ترميها علينا الدولة كما المخططات العالمية كمان. نحن كاشتراكيين لازم نوعّي الناس على مشاكلهم." نحن" قصدي يعني انا والشعب، عرفتي عليّ كيف؟
انا: بأ....
المناضل اللبناني: "فانا درست وانا مثقف وبحب اكتب شعر اوقات كمان لاني كثير حساس، اوعى تأذيني ها! وانا ناضلت كثير بس تعبت، تعبت من النضال، بس بعدني مجتمع مدني. "نحن" هون يعني انا والمجتمع المدني، ما فينا نتخلّى عن بعض، عرفتي عليّ كيف؟
انا: سأ...
المناضل اللبناني: بتعرفي الغرافيتي؟ سامعة فيه؟ انا اول واحد استعملته بلبنان. طسيت على الحيط اول واحد... بس نزعولي اياه هلق. حاولت علّمهم كيف، قلتلهم، بس نزعوه... عم يستعملوه غلط. النضال صعب، انا تعبت
انا: تأ....
دايت رقم 2
المثقف اللبناني: "كل هالحركات انا ما بحبها. ما بحب العب ورق، العالم شو سخيفة و سطحية. ليكي كيف يبقعدوا على تلفوناتهم... ما حدا بيقرا كتاب. انا بقرا كثير، ما بحضر تلفزيون، انا بحب الجدية كثير. شفتي المقال يللي كتبته آخر مرة؟
انا: بأ....
المثقف اللبناني: "عندي غيره مقالات كثير كتبتها... لازم تقريلي، الباقي كلهم بلبنان للزبالة. انت بحثك حلو، انا بحب البنات الذكايا"
انا: سأ...
المثقف اللبناني: "انا ذكي كثير. من انا وصغير. كانت الماما..."
دايت رقم 3
اللبناني اللبناني: "انا ما بحب البنت تلبس قصير، ولا بحبها انها تسبّ ولا بحبها انها تشرب كثير...
انا: تأ..سأ....بأ...
اللبناني اللبناني: "انا حلمت حلم اليوم، وكمان صار معي قصة غريبة، نكتة نكتة نكتة... ليش ما عم تضحكي..."
انا: ....بأ...
اللبناني اللبناني: "نكتة نكتة نكتة... شكلك انت مهضومة. انا ساويت انا عملت، الماما الماما الماما، ليكي هاي ليكي هيدي الثانية، احبّيني هلق؟"
انا: ....تأ؟
لميا
