خواطر نوَرية

ببلد متل لبنان (وما ادراك ما لبنان)، اللبنانيي (وما أدراك شو اللبنانيي) كتير بمرقو

كلمات بحديثن اليومي بتشبه فلان بفلان وفلانه بعلتانة..
مع إنو هالكلمات معباية عنصرية أو طبقية أو شي على نسق يلي قبلن .. ولسخافة القدر بيمرقو على دينينا متل الهوى..خفاف نضاف
تعودنا عليهم فما منستغربن ولا منفكر بأبعادن بأى
شو مفكرني إبن زبال
“مش سريلانكي أنا لا تحكي معي بهي الطريقة” اه عفواً ليه في طريقة مخصصه للحديث

مع السريلانكية؟

ليه عم تستكردني؟
يا ماما شو منغولي
“واقف متل المعاق بنص الطريق“
شو عامله بحالك طالعة متل الاثيوبية

“bronzageعلى هل“
“حكي نسوان..أي ما معناه الحكي يللي ما بيخلص و يللي كلو نمنمه ولتلتة على الناس و يلي ما في ولا كلمه مفيده بقلبو طبعا كونن كلن النسوان ما عندن ولا شغله ولا عمله غير يقضو نهارهم بمارسو هيدي العاده يللي إسما حكي نسوان و كونو الرجال من غير طينه كلياً مصنوع وكل حديثو عبر ومعاني ووعوده بتطبق..أي ما يسمى  بكلمة رجال
وهيدا كلو أكيد على سبيل المثال و مش الحصر

بعدين في عنا هيدي الشريحة من العالم يللي دايماً منسمعها بتقول بلحظة غضب من أشخاص أو مواقف …
.ما معقول شو نوّر.
تيابو شو نوّريه
عيلتهن نوّر كتير
حاجه تصرخ متل ال نوّر طوشتني
نوّر?! حلو
ما بدا كتير قراية أو زكا أو فلسفه للشخص يعرف إنو النور هيي ما خلقت صفة
النوّر هيي
reference
لشعب أو شعوب بس اللبناني حولها لصفة

النوّر ما هن إلا عالم رحل ما بعيشو بمحل واحد لا بل بكذا محل وايا محل (Roma people, gypsies)
هن عالم محترمين جداً
مرتبين جداً
مهذبين جداً

حلوين جداً جداً
ثقافتهم جميله لبسن جميل الحكي عنن بيطول كتير بس مش هيدا موضوعنا

موضوعنا بإختصار هو كيف “إل-لا وعي” اللبناني بسخف فئة معينه طويلة عريضة

من البشر و بغلفها بإطار صفة دونيه
وبصير كل شي حوالي سلبي بيطرقو هال كلمه لما يكون عام يحكي عنه

و كإنو الأوسترالي كل ما يصير شي مزعج حوليه بسمي أو بيوصفو باللبناني،
شو فرقنا نحن?

ولا بس عنا لسان نحكي بالعنصرية الممارسه ضدنا وما عنا لسان نحكي بالقصص الممارسه من طرفنا، عن قصد أو غيرو؟