غيري عادتك، بتزيد سعادتك

سعادتك” وكانو عم يطلعو ع صور وع مخيمات صيفية وحتى راحو عل “اي يو بي” وقعدو مع صبايا وشباب وعملو معون نقاشات عن النوع الاجتماعي والنسوية وتاريخ النساء بلبنان والمطالب والحقوق يلي بتتعلّق بالنوع الاجتماعي وصولاً بالعدالة الاجتماعية والمتعلقة بالمساواة وكيف ممكن تصير بلبنان.

“صوت النسوة” فكرت كتير بالبرنامج  هيدا وتحديدا بإسم هل البرنامج، انو كيف يعني “عادة” وشو يعني “سعادة”، لأنو في مثل بقول ” يلي يغيّر عادتو بتقل سعادتو” وهو مثل مش كثير منطقي اذا من فكر في، خصوصا انو الانسان بشكل عام ومن اول ما بلش الكون كان طول الوقت لازم يغير “عادتو” مشان يعيش ويستمر.  بس يعني كيف ممكن الواحد يغيّر “عادتو” شو مفترض يعمل؟ وكيف مفترض اذا النساء مثلا غيّرت عادتا راح تزيد سعادتا؟

هاي الاسئلة كلها راح تتجاوب بمؤتمر برنامج “غيري عادتك، بتزيد سعادتك” ولكن من هون ل ٧ ايلول ٢٠١٠ حبّت صوت تسأل هل كم سؤال:

-إزا ما في ضغط  بموضوع النصاحة والوزن المثالي على النساء، شو بصير؟

- إزا ما نحط صورة  بنت مزلاطة  على دعايات ما خصا اصلا بالنساء، شو بصير؟

- شو بصير اذا بكي الرجال؟ واذا كان بكاء الرجال شي مقبول اجتماعيا، شو بصير؟

- ازا نضّف الرجال المجلى والمرا صلحت التلفزيون بشي بيت، شو بصير؟

-ازا كان في مساواة بين الرجال والمرأة، شو بصير؟

فيكون تقروا اكتر عن المؤتمر من خلال نص الدعوة :

يسرّ “المجموعة النسوية” دعوتكم/ن الى مؤتمر “غيري عادتِك بتزيد سعادتِك: الأدوات النسوية للتغيير” الذي يهدف الى تعريفكم/ن بمضمون وأهداف وآليات عمل برنامج “غيري عادتِك بتزيد سعادتِك” الذي أطلقته “المجموعة النسوية” في شهر نيسان من العام الحالي 2010. ويتضمن البرنامج أفكارا جديدة ومختلفة من وجهة نظر نسوية عن الجندر/ النوع الاجتماعي والجنس البيولوجي وعلاقتهما ببعضهما، وتأثيراتهما على وضع المرأة في لبنان بالتقاطع مع العوامل العنصرية والعرقية والطائفية والطبقية الأخرى. كما يهمّ “المجموعة النسوية” التأكيد أن أحد أهداف اللقاء، تأمين التعاون مع جانبكم/ن لتقديم ورش عمل “غيري عادتِك بتزيد سعادِك” في المراكز والنوادي التابعة لكم/ن.

الزمان: يوم الثلاثاء في السابع من شهر أيلول/ سبتمبر 2010

من الساعة الثانية ظهرا حتى الخامسة عصرا

المكان: مسرح المدينة – الحمرا – بيروت

البرنامج: – استقبال الحضور

• عرض تعريفي عن “المجموعة النسوية”

• عرض تعريفي عن “غيري عادتِك بتزيد سعادتِك”

• مناقشة وتبادل الأفكار

• استراحة قهوة وتعارف

لتأكيد الحضور أو الاستفسار :

farah@nasawiya.org , leenhashem@gmail.com

70 – 800 258

”